2025թ. հոկտեմբերի 14-ին Հայաստանում ֆրանսիական բիզնես դպրոցը և Երևանի Բենիամին Ժամկոչյանի անվան վարժարանը ստորագրեցին համագործակցության հուշագիր։

Այս հուշագրի շրջանակում կողմերը կհամագործակցեն գործարար կրթության, ձեռնարկատիրության և տնտեսական գիտելիքների ոլորտներում՝ համատեղ ծրագրերի մշակման և իրականացման ուղղությամբ։

Համագործակցության հիմնական ուղղություններն են ՝

• Երկարաժամկետ, միջնաժամկետ և կարճաժամկետ ծրագրերի, կրթական մոդուլների և սերտիֆիկացման ծրագրերի իրականացում։

• Աշակերտական փոխայցելություններ, ուսումնական ճամբարներ և համատեղ նախագծեր։

• Առցանց դասընթացներ, վեբինարներ և համատեղ կրթական միջոցառումներ։

• Աշակերտների մասնակցություն ձեռնարկատիրական, հետազոտական և նորարարական մրցույթների։

• Համատեղ մշակված կրթական նյութերի և հետազոտական արդյունքների տարածում։

• Դասախոսներ Ֆրանսախոս երկրներից:

• Ավարտին եվրոպական դիպլոմներ և սերտիֆիկատներ։

Նախաձեռնությունը նպատակ ունի զարգացնել աշակերտների

տնտեսական մտածողությունը,

ստեղծարար և նախաձեռնող մոտեցումները,

ինչպես նաև ձևավորել միջազգային շփման և համագործակցության հմտություններ։

Վստահ ենք, որ այս համագործակցությունը կնպաստի նոր գաղափարների ծնունդին և երիտասարդների մասնագիտական զարգացմանը։